بلوچستان
بلوچستان!بلوچستان!مرادءِ توبلوچانى
توے جاگه مزارانى نھنگين پِس ءُ پيرانى
کَسَم وارتگ په تيٸ نامءَ اميرين چاکرءَ رندى
مِر اَنت تيٸ بيرَکءِ چيرءَ منى بچ ننگ ءُ نامانى
بلوچستان!بلوچستان!مرادءِ توبلوچانى
توے جاگه مزارانى نھنگين پِس ءُ پيرانى
کلامے دُرشُپين نَکش اِن بلوچانى دلءَ گُشتگ
پِتءُ پيرانى سردارءَ يلين گوھرامءَ نامانى
نَه بيت جاگه منءَ ھِجگِرجِھانءِھُلکھاں جاھے
به گيراِچ گورءُگنداوگ بلوچستانءِ زيدانى
بلوچستان!بلوچستان!مرادءِ توبلوچانى
توے جاگه مزارانى نھنگين پِس ءُ پيرانى
ھزاران مادنءُ کان اِت جلکشوک اَنت گورءُ جانءَ
پَراِے کانءُ طلاھان تيٸ چِن ءُلانچ اِنت لگورانى
کُورءِ سينگارتگين شاراِنت ترا اِے زِرھزارگنجين
تَيابءُ جُلگه ءُ کوه ءُ بَزين جنگل گيابانى
بلوچستان!بلوچستان!مرادءِ توبلوچانى
توے جاگه مزارانى نھنگين پِس ءُ پيرانى
ھواتيٸ مِسکءِ بوءَ کنتءُ چارين موسمان سبزاَنت
کَشءُ کِرءُ دَمَگ دُرين چَمن تيٸ مَلگُزارانى
گون اِے پُلين وطن اَيب اِنت مزن لَّجين بھادُران
ھَکيرين نِندگ ءُ چارگ گُلامى ظلم ءُ زورانى
بلوچستان!بلوچستان!مرادءِ توبلوچانى
توے جاگه مزارانى نھنگين پِس ءُ پيرانى
جھانءِ ھستى ءِ ناپَگ تيٸ ھاک اِنت زَراَفشانيں
پَميشکءَ ماں زِرءَ نيلين گِرءُ داراِنت پَِرَنگانى
کَسَم پَرھَملءِ نامءَ نَبين بَندى کسے مَرچى
وطن ماتءَ کنيں آزاتءُ اِے کول اِنت بلوچانى
بلوچستان!بلوچستان!مرادءِ توبلوچانى
توے جاگه مزارانى نھنگين پِس ءُ پيرانى
شاعر: ع- ب- ميران
No comments:
Post a Comment