کوھاں مَنيگ انت

منى اے کوھنَيں پشکءَ مچاراِت

منى اے دِرتگيں جيگءَ مچاراِت

منى اے ھازگيں ٹپءَ مچاراِت

اے بُرزيں ٹيھرءُ کوھاں منيگ اَنت

><><><><><><><><>><

منى اى آ درھيں زيدءَ مچار اِت

منى اے سرومگيں ريکءَ مچاراِت

منى اے بے وسيں گيگ ءَ مچاراِت

اے ھورءُ ساوڑى نوداں منيگ اَنت

><><><><><><><><><><

منى اے کپتگيں بانءَ مچار اِت

منى اے لاگريں جانءَ مچاراِت

منى اے چنڈُ کيں نانءَ مچاراِت

اے مُلکءِ کوچگءُ ڈناں منيگ اَنت

><><><><><><><><><><

منى اے ميدءُ جاشواں مچاراِت

کمانيں دُورءُ آچاراں مچاراِت

لگتماليں اے لاچاراں مچاراِت

اے بے گوازيں زِرءِ چولاں منيگ اَنت

><><><><><><><><><><

سَتَرمن بَزَگ ءُ وارءُ نزوراں

سَتَرمن بے وطن وتسرا گولاں

وطن تٸ عشقءِ آسءَ من سُچوکاں

شھيدى رِتکگيں حوناں منيگ اَنت

><><><><><><><><><><

ھما ميرچاکرءِ ولءِ براں من

مَزاربيمانى آ پُشتءُ پداں من

ھما دورانى نوں دَنزءُ مجاں من

اے کوھنيں دفترءِ تاکاں منيگ اَنت

><><><><><><><><><><

بلوچاں من٬چوکوھى نرمزارءَ

مه ٹوھيں کرنى وابءَ جه منءَ را

منءَ بيڑءِ حساب گوننت ھزارءَ

اے گُرّگ گريشگى جاکاں منيگ اَنت

><><><><><><><><><><

گنُوکيں اے منى کاراں مچاراِت

رَبودگ ريٹا ءِ گپّاں مچار اِت

منى اے بے سريں گالاں مچاراِت

که دُرين فاضُلءِ شعراں منيگ اَنت

><><><><><><><><><><

اُستاد: محمد بيگ بيگل