بيا وتا جُستے گرين
از: کوران دامنى
بيا گرين دستان گوھم ٬ ھور کنين چونڈاں وتى
توچه پاکستان ٶ اوگانءَ بيار٬من ھم چه ايرانءَ وتى
پر چيا سے ملکا بھرين ٶصدانى شنگ ٶ شانگ ؟
که اے دشمنانى کار ٶ کردنت٬ ھنگتءَ نھلنت وتى
ھر کجا ملکے خليجى ٬ در پدر گرديت بلوچ
بيا بچارملک عرب ٬بحرين ٶعجمان ٬تا که عمانءَ وتى
ھنچوشين بازين بلوچ٬ نشتگ مه ملک آفريقى
گند ٶ نند ٶ جست ٶ پرسنت٬ تا ببيت ملکى وتى
باز بلوچ نشتگ په باھوٹى مه ملک ء ترکمن
آ ھم گوازيننت وتى زندے که روچى بگندنت ملکے وتى
با زيں بلوچ شنگ ٶ درانڈيھنت مه ملکءِ يوروپ ءَ
بازينے ھم گشتگ بدل چه دود ٶ رسم ٶ راھانءَ وتى
لھتے ھم مه انديا ٶ امريکا ٶ ملکءِ اسکاندينا ويا
اے په يک رسمے دگرراھے دگرکاينت ٶچارنت ڈيه وتى
اے چونين ظلم ٶ زواليت برسرچوکاں دارنڈيھيں بلوچ؟
چو که اے ھچ ءَ نزاننت ٶ نديستگ چه بلوچستان وتى
بيا و تا جُستے گرين تا کد درانڈ يہ بيت بلوچ ؟
راه ٶ رھبند ے بيا رين تا کنين آزات بلوچستان وتى
نوں کتين فکرٶحيالے راه ٶچاره ٬چونء بين يکجاه پدا ؟
تا گرين دريا بلوچے ٬تيس ٶچابھار تا ھما گوادر وتى
اڈ کنيں ملکےء په براھين کوچگ ٶ کِرٶ گؤران
جه بننديں ملک ٶ ميتگ ٬نو بزورين شيرنين لبزءَ وتى
طاقت ٶ فکران وتى يکجاه کنين په ھوش ٶ سار
ھنچوشين فوجے کنين اڈ ٬کوه ٶدشتان تا بداريت ملک وتى
بيا گوں کوران ءَ کنين گؤانک ؤ توار آزاتى ءِ
دشمن ءَ شھمات کنين ٬پروشين ھمى بندان ؤ زنجيران وتى
۲-۲-۲۰۰۷
کوران دامنى
No comments:
Post a Comment