بيا وتا جُستے گرين

از: کؤران دامنى
 

بيا گِريں دَستان گوں ھم ھور کَنيں چونڈاں وتى
توچه پاکستان ءۥ اوگانءَ بيار, من ھم چه ايرانءَ وتى
پَر چيا سے مُلکءَ بَھرين ءُ صدانى شِنگ ءۥ شانگ
که اے دُشمنانى کار ءۥ کِردِنت ھَنگتءَ نھلنت وتى
ھر کجام مُلکے خليجى , در پَدر گرديت بلوچ
بيا بچارمُلک عرب ,بحرين ءۥعجمان تا که عمانءَ وتى
ھَنچوشين بازين بلوچ نِشتگ به مُلکء آفريکى
گِند ءۥ نِند ءۥ جُست ءۥ پُرسنت تا بِبيت مُلکے وتى
باز بلوچ نِشتگ په باھوٹى به مُلک ء تورکمن
آ ھم گوازينتگ وتى زِندے ,که بگنديت مُلک وتى
با ز بلوچ شِنگ ءۥ درانڈيھنت به مُلکءِ يروپ ءَ
بازے ھم گَشتگ چه دود ءۥ رَسم ءۥ راھانءَ وتى
لھتے ھم به اِنديا ءۥ امريکا ءۥ ,ملکءِ اسکاندينا ويا
اے په يَک رَسمے دگر,راھے دگر,کاينت ءۥچارنت ڈيه وتى
نوں اے چونين ظلم ءۥ زواليت برسَرچوکاں دارنڈيھيں بلوچ
چو که اے ھچ ءَ نَزاننت ءۥ نَديستگ چه بلوچستان وتى
نوں بيا وَتا جُستے گرين , تا کَد درانڈ يھ بيت بلوچ
راه ءۥ رھبندے بيا رين, تا کنين آزات بلوچستان وتى
نوں کتين فکرءۥحيالے ,راه ءۥچاره چونء بين يَکجاه پَدا
تا گِرين دَريا بلوچءِ ,تيس ءۥچابھار تا ھما گوادر وتى
اڈ کتين مُلکے په براھين کوچِگ ءۥ کِرءۥ گؤراں
جَه بِنِند بين ملک ءۥ ميتگ ,نوں بزوريں شيرنين لبزءَ وتى
بيا پدا پيداگ کنين , چا کر ءۥ گوھرام ءَ يلين
بلےشرط ھميشنت که پدا جنگے ندارين ,گون وت ءۥوت مه وتى

اوبلوچ ھوش کَن پَه سار بيا پَرچيا گؤں وت مِڈيں

اِى چوشيں جنگان برات کُشينء دور کن ايت کينگ وتى
طاقت ءۥ فِکراں وتى يکجاه کُتين پَه ھوش ءۥ سار
ھنچوشين فوجے کُتين اڈ ,کوه ءۥدشتان تا بداريت مُلک وتى
بيا گوں کؤران ءَ کَنين گؤانک ءۥ توار آزاتى ءِ
دشمن ءَ شَھمات کنين, پروشين ھمى بندان ءۥ زنجيران وتى

کؤران دامنى