Saturday 25 February 2012

بلـــوچ راج ءِ دژمنانــی کوهنيـــں پنـــــدل 
محمد کريم بلوچ
 
بلـــوچ راج ءُ راجی سروکان ءُ بلـــوچ سرمچـــاراں ديــم په بلوچستـــان ءِ وت مستـــری ءُ استـقــلال گام جنان انـــت. بلوچستـــان ءِ آزادی ءِ گـــــپ جهانی مسئلــه اے جوڑ بوتـــگ ءُ بلـــوچ ءِ توار مان دگنياءِ سياسی ديوانان ءُ ميديـا ءَ جکستـــــگ. بلـــوچ رهنما وت ماں وت ءَ تپاک ءُ يکدســـــت بيگاينت. پاکستان ءُ ايران ءِ انسان دژمنيــــــں واکدارانـــی رستری ماں بلـــوچ گلزميـــن ءَ په دگنياءِ مهلوک پاشک ءُ پدر بوتگنـــت. پاکستانی واکداراں گندگاينـــــت که بلــــوچ ءُ بلوچسـتــــان چه پاکستان ءِ ايردستی ءُ گلامـی ءَ آزات بيگاينـــت. آ  گوں ايرانی فاشيستانی همکاری ءَ کوهنيـــــں پندلـے ءَ گـــوں نوکيں دروشمے کارمرز کنگاينـــــت. آ اسلام آباد ءِ وزير داخلـه بزاں پلينــــڈ ءُ هونواريـں رحمان ملک ءَ پرماتگ تان بلـــوچ رهنما ءُ سياسی سروکــاں که درانڈيه انـــــت ماں اســلام آباد ءِ ريزتگيــں دام ءَ دؤر بدياينيـت. مکاريــں رحمان ملک  هنچو تـرّن انت که بلـــوچ سياسی سروکاں چه وتا باز جهل تر زانت.  ابليسيــں رحمان ملـک ءُ پاکستانی آدگه واکـداراں هنچو گپ کنگاينـــــت که گوشينـے بلــــــوچ راج ءُ مئی رهدربران شهيـــد نواب نوروزخـان ءُ شهيــد دوستمحمــد خانءِ  کسه ياں شموشتـگنـــــت. آ وتی رستری هيالاں بڈاتگنــت. چه يک نيمگـے بلـــوچ ورنايانی زگريــں هوناں همــک روچ ريچگاينـت ءُ چه دگه نيمگـے بلـــــوچ رهشوناں  په گــپ ءُ تران ءَ لوٹائيننـــــت. پاکستانی ءُ ايرانی بے ايمانيــں واکـــداراں قــران مجـيـد ءِ نام ءَ وتی رپـک ءُ پندلانــی بهرے جوڑ کتــگ.  تهــران ءُ اسلام آباد ءِ بـے ايمانيــــں واکداراں  پـه بلـــــوچ ءِ ريپبنگا کوهنيــں پندلے ءَ کارمرز کنگاينـت. آ وتی هيالانی ته ءَ پدا  قـــــران شريـــف ءِ نام ءَ مئـــــی رهدربـــراں ريپينــت کننـــــت.
.پاکستانی ابليســی واکداراں خان کـــلات ءَ  نپر ءُ کاسد راه دينـــــت تنـکه په آهانی اشـارت ءَ ملــک ءَ به رؤت ءُ  اســلام آباد ءِ ايردستـــــی ءَ به منيـــــت. آی . اس. آی ءِ انسان دژمنيـــــن اجينٹ، اسلام آباد ءِ بلـــــوچ دژمنيـــــں واکدار خان کلات ءِ پرترگ ءِ دروگيں هـــــال ءَ ديرانت ماں ملک ءَ شنگ کتــــــگ! پلينـڈيـں رحمان ملک ءُ آدگه بلوچ دژمنيــں واکــدار  نه لوٹنت بگند انت که ميـر سليمــان داؤد خان گـوں بلوچستــان ءِ راجی سروکانی همشـــوری، همکوپگــی ءُ همراهــی ءَ بلوچستــان ءِ آزاتی ءِ بيــرک ءَ چســت کتــگ. پاکستانی بے ايمانيـــــں واکداراں گـوں اے کوهنيــــــں پندل ءِ کارمـــرز کنگا چنــت شوميــــــں مکسـد هســت انــــت. يکـے ايش که بلــــــوچ رهدربــراں ناتپاک بکننــت ءُ آهانی يکوئی ءِ ديما بدارنــــت. دگه ايش که آ لوٹنــــت پدا بلوچستــــــان ءِ آزاتی جنبــــــش ءَ سريں پروش بکننــــت. آهاں انگـــت ءَ  تماه هســت انــــت که يکبرے دگـه گـوں سوگنــد ءُ قران شريف ءِ چست کنــگ ءَ بلـــــوچ رهدربـراں  « مذاکــرات » ءِ دام ءَ دؤر بدينــت.آ لوٹنت په پنجاپی ءُ هندی مهاجرانی نپ ءُ سيتانــی برجـــاه دارگ ءَ بلـــوچ مهلوک ءُ بلوچستـــان ءَ مدامـی وتی ايردســـت بدارنــت.بلئے بلوچستــــــان ءِ راجی ســروک ءُ  بلــــــوچ راج بيــداری ءُ سرپــدی ءِ هما سيمســراں رستگنــت که مروچی راجدپتــــــر ءِ نوکيــــــں بهــــــرے نبيسگاينت ، مئی شهيدانــــــی هونانــــــی برکــــــت ءَ بلــــــوچ گلزميــــــن ءُ راج ءِ آزاتــی ءِ لوٹ پوره بيگاينــت. بلــــــوچ راج ءِ آزاتــــــی جهدانی برزيــــــں توار، مئی هزاراں شهيــــــد ءِ بےگناهی ءُ تهـران ءُ اسلام آباد ءِ انســان دژمنيــــں سياستانــی پروش ورگ ءِ هال دگنيـاءِ کنــڈ کنــڈ ءَ شنـگ انــــت.
پروشـــت ءُ پــروش باتنــــت ايران ءُ پاکستـان
آزات ءُ آبـــاد بات گنجيــــــں بلوچستــــــــــــان
محمـد کريم بلــوچ 
بيست ءُ پنچ فروری ۲۰۱۲

No comments: