Friday 11 May 2012


خان کـلات ءُ دکتـرمحمد حسن حسين بـُـرءِ ديـوان گـوں نـاروے ءِ بلوچـاں

 يکشمبـه ءِ روچ شـش مای ءَ خان کـلات واجه سليمـان داؤد ءُ راجـی رهشـون دکتــر محمد حسن حسيـن بُـرماں « ليله ستـروم »، اسلـو ءِ نزيک ءَ گـوں نـروژ ءِ جاهمننديــں بلوچـاں ديوان ءُ گـپ ءُ تـران کــت ءُ وتی جوانيـں پگـر ءُ راجـی هيـالاں بلوچستــان ءِ هنــوگيــں جـاورءُ آينده ءِ باروا درشـان کـت انـت.
ماں ديــوان ءَ چنت نپــرانسانی هکانی جهـدکارهم بهــرزرتگ اَت. ديــوان ءِ بهرزوروکانـــی مزنيـں بهـرے بلـوچ جنيــں آدم ءُ نوک ورنا اتنــت
ديـوان ءِ بهرزوروک اول ســرا  کـَــتــرَهــے ( دکيکـتـے ) پــه شهيدانــی يات ءَ بے تــواراوشتـات انــت ءُ رنـدا بلوچستـان ءِ راجی ســوت « ما چکيـں بلـوچانـی» وانــگ بــوت.
ديـوان ءِ هاسيــں مهمــان خان کــلات ميــرسليمــان داؤد وتـی تاريخـی اگــده داری ( زمه واری) ، راجــی مکســد ءُ بلوچستـان ءِ وت مستــری ءِ باروا گپ کــت. آيی ءَ گوشــت کــه پـه دراهيـں بلــوچ راج ءُ بلــوچ سرزميـن ءِ آجويـــی ءُ وت مستـــری ءَ جهــد ءُ کوشســت کنـگا انــت ءُ بلـوچ راج ءَ را آوارجتگيــں بلوچستـان ءِ سئيـں بهــر آزات کنگـی اَنــت. اے مئــی پــس ءُ پيروکـی سرزميــن انــت که په زور چـه مـا پـچ گـرگ بوتــگ. خان کـلات ءَ گوشــت که بلوچستــان ءِ آجويـی ءُ راج ءِ آزاتـی آيـی ءِ هالــه ئيــں ( اصلــی ) مـراد ءُ مکســد انـت. پـه ڈيــه ءُ راج ءِ آزاتـی ءَ بلـوچ مهلـــوک ءِ تپاکــی ءُ مئـــی گهــار ءُ جنکــانــی بهــر زورگ باز زلــوری انــــت. بلوچ جنيـــں آدمانــی زمه واری يــان ءُ راجـی کارکــرد باز ستــا کرزنــت.
رنــد چه ڈيـه ءِ آزاتـی ءَ اے بلــوچ راج ءُ بلوچستــان ءِ سياســی پارٹی ءُ راجـی هوربندانـی اگــده ءُ کارانــت کـه گـوں گچينکاريـاں ملـک ءِ راجـی ديـــوان ءَ برجــاه به کننــت ءُ حکومتــی وڑ ءُ سيستـمے ءَ بـه گيشيــن انـت ءُ برجــاه کننـــت.
رنـد چـه واجـه سليمـان داؤد ءَ راجـی زانتکـار دکتـر محمــد حســن حسيـن بُــرگـوں بلوچستـــان ءِ وت مستــری ( استقـــلال بلوچستـــان ) ديما آيــگا مــاں امريکاے ءِ کانگــرس ءَ وتی گـپ بنگيـج کت انــت. آيی ءَ گوشــت کـه بلــوچ راج ءِ تــوارءَ دگنيـا اشکتــگ ءُ مـروچــی بـازمـردم زاننــت کـه مئـی لـوٹ ءُ جهدانــی مکســد ءُ مــراد چے انــت. هنونيــں دؤر بلوچستــان ءِ آجوبيـگ ءُ بلــوچ راج ءِ وت مستــری واهــگ ءِ پوره بيـگ ءِدؤرانـت. مئـی کــوم ءُ راج ءِ تپاکـی ءُ هم تــواری په اے مکســـد ءِ رســگ ءَ باز زلــوری انــت. بلوچستـــان ءِ سرمچارانــی جهــدان ءُ راج ءِ شهيــدانــی هونانـی برکـت ءَ بلـوچستــان ءِ مسئلــه يک جهـانــی شکلـے ءُ انــدازے زرتــگ. بلوچستــان مئـی پـس ءُ پيروکـی سرزميـــن ءُ وتـن انــت کـه مئــی بـُن پيــروکان ءُ پيروکاں هــزار سـال داشتـگ. همـے سرزمين ءِ سـرا زنـد اِش گوازينتــگ ءُ پـدا مئـی دسـت اِش داتـگ. بلئے اپســوز که مـا داشـت کـت نه کتـگ. مئـی ڈيــه ءَ « گجــر» ءُ پنجاپــی چــه مئـی دســت ءَ پــه زورانســری پـچ گپتـگ ءُ پـُـلــِتـگ.
مئی آوارجتگيــں وتــن مــا را پچ گـِـرَگـی انت. مـا را دگــرانی ملـک ءُ زميــن پکار نهنـت. مـا لوٹيــں کـه تياکيــں راجانـی هوربنــد ( سازمــان ملل متحــد )ءِ سروکـی ءَ مـاں بلوچستــاں گچينـکاری به بيــت ءُ بلـوچ راج ءَ گچيــن کنــگ ءِ مـوه ديگ به بيــت تنکــه وت پيسلــه بکنــت که باريــں اوگــان، پنجاپــی ءُ پارس ءِ گلامـی ءُ ايردستــی ءَ لوٹَيــت يا کـه راجــی وت مستـــری، آزاتــی ءُ استقــلال بلـوچستـان ءَ. مـا ميـان استمانـی کانــود ءُ رهبنـدانــی ردا وتــی تاريخی سرزميــن ءُ راجــی وت مستـری ءُ آزاتـی ءَ لوٹيـــں.
ما را وتـی سرزميـــن ءُ ڈيــه چــه « گجـر» ءُ زالمـيـں‎ پنجاپـی يـاں پــچ گـِـرَگی انــت ءُ اے گـوں تپاکـی ءُ راجـی جهـدانــی تيــزگام تــر کنـگ ءَ بيگـی کارے انــت. مئـی ســوب گــوں راجـی تپاکــی ءَ همگـرنـچ انــت. رودراتکــی تيمـور، کــوزوو ءُ جنوبــی ســودان ماں گـوستگيــں سـالاں آزات ءُ مستقـل بوتگنــت ءُ هنـوں بلوچستــان ءِ باريـگ انـت.
 
پـروشت ءُ پـروش باتنــت ايـران ءُ پاکستـان
آزات ءُ آباد بـــــات گنجيــــں بلـوچستــــــان

محمــد کريـم بلــوچ
نهــم مـای ۲۰۱۲


No comments: