Thursday 31 July 2014


شھيد زنده مان٬ يعقوب مِھرنِھاد

از : کؤران دامنى

مِھرنِھادءَدادشاهءِ جنگ٬ گٶں ايرانءِ حکومت نوک کُتَگ
بلے نےکه گٶں تيرءُ تُپنگاں ٬ گٶں کلم آس روک کُتَگ
گٶں وتى دوست ءُ عزيزاں ٬ کومى باز ھُژارکُتَگ
مُلک ءُ ميتگ کونڈ په کونڈءَ ٬کومءِ لوٹ کوکارکُتَگ
ھرکُجا کومءِ يتيم ءُ زال ءُ بول ءُ بے کسى يارى کُتَگ
مانى بَستَگ دولتءَ گٶں جُستءُ پُرسانءَوتى کارى کُتَگ
که پَرچيا کوم بلوچءَ تو گريبءُ بَزَگ ءُ کم زور کُتَگ
يا چيا غير بلوچءُ ناشرءُناسرپدانءَ ميٸ سرءَپرزورکُتَگ
نوں ھال شُتگ ھرشھرءُ کونڈاں ٬ اتّحادى جوڈ کُتَگ
نامى ھشتگ عدلءُانصافءِ توارءُ انجمن ھم ھٶرکُتَگ

روچ ءُ شپ فِکرءُ ھيالاں نويسَگ ءُ جارى کُتَگ
ھرو ڈين کوشش په کٶم ءَ ھرکُمَک کارى کُتَگ
کارءُ کِرد٬ھرچى که آ کُرتَگ٬ به تاريخءَمثالى ايرکُتَگ
چوگٶش انت ميٸ سَرڈگارءِ مردماں که مھرنھادءَ چے کُتَگ
يکبَرى آتکَگ ھما طوفان گُونو٬مَکُرانى نيمَگے بيران کُتَگ
نوں دولت ايرانءُ پاکستان په اے بيرانىءَ ھِچ نه کُتَگ
چه عرب مُلک ءُ يوروپءَ ميٸ بلوچ غيرت کُتَگ
چيزے ھم زَرءُ لُباس ءُھم نوپادءُ کَمبَلے ھِمَت کُتَگ
بلے مِھرنِھاد ءُ دوست ءُ دوزواه مِحنَتے کُومى کُتَگ

بُرتَگِش پوشاک ءُ کَمبَل ھرکُجاءُ ھرکمکى سَرکُتَگ
نوں که ديستگ ميٸ بلوچءُکومءُ برات ھرنيمگءَشاباش کُتَگ
که کس نَکُت ما راکُمَکے٬ چو که مِھرنِھاد ءَ کُتَگ
نوں مِھرنِھاد بوت سَر زُباناں٬ کومءَ باز عِزت کُتَگ
ھرگٶرا وانندگءُ پُھوالءُ بَزَگ٬ آتکَگ ءُ بيعت کُتَگ
حامىءُمُلا په يک گٶر٬ بَزگرءُ دھکانى ھم گوں وت کُتَگ
دورءُ نزديک پيرءُ نوجوان٬ھرگٶراگٶں وت ھوارءُھٶر کُتَگ
نوں که ديستَگ٬ مُلک ايرانءِحکومت ٬چه سرءَھوش شُتَگ
پکرءُ پندل٬ مکرءُ حيله گٶن وتى چاروگءُدوزواھش کُتَگ

گر بِبِيت آزات يعقوب مِھرنِھادا نوں ما وتى گورءَ جَتگ
گٶن ھمے بُغضءُ حَسداں ٬مِھرنھادِش جيلءُ زنجيراں کُتَگ
نون مه جيل ءَ چنت برا ٬گٶں لَٹءُ کُٹاں کوششے بازيں کن انت
تا که پروش انت روحءُ جِسمے٬ که پَشُماں بيت په تى وى برانت
نوں وا يعقوب ءَ نَمَنيت ٬دُشمناں ھم جاکءُ سلوات کن انت
نوں کَنَنَتى زَجرءُ تُرچِر٬لَٹءُ کُٹاں٬گيشتِرءُ گِيشتِر کن انت
تا که اے کٶمى توارءَ ٬ھم شھيدءُ يَکبرا بے سارکن انت
وھدے اے بَدنامىءَ گِندانت٬پَداشِيرين يلا پاھوءُ بردارءَبرانت
نوں سال بيت دوھزارءُھشت٬اگوستءِ چار٬راجدَپترانى مِنَت انت

که آ ھم مانيت انت به تاريخ٬مھرنھاد يعقوب٬ مُدامءَ زندَگ انت
اٶميٸ کوم ءِ شھيد٬اٶمھرنھاد٬توزندگے تا که ميٸ کوم زندگ انت
آ چراغ ءُ راه که تو روشن کُتَگ٬ ھر وھد مُدام پايندَگ انت
نوں کُجا راه شھيدان گار بيت٬ تا که بلوچے زندگ انت
ھوبگٶش کٶران ٬ھزاراں مات ٬پدا مِھرنھادان آرگ انت

کٶران دامنى
آگوست ۲۰۰۸

No comments: