منى اے کوھنَيں پشکءَ مچاراِت
منى اے دِرتگيں جيگءَ مچاراِت
منى اے ھازگيں ٹپءَ مچاراِت
اے بُرزيں ٹيھرءُ کوھاں منيگ اَنت
><><><><><><><><>><
منى اى آ درھيں زيدءَ مچار اِت
منى اے سرومگيں ريکءَ مچاراِت
اے ھورءُ ساوڑى نوداں منيگ اَنت
><><><><><><><><><><
منى اے کپتگيں بانءَ مچار اِت
منى اے لاگريں جانءَ مچاراِت
منى اے چنڈُ کيں نانءَ مچاراِت
><><><><><><><><><><
منى اے ميدءُ جاشواں مچاراِت
کمانيں دُورءُ آچاراں مچاراِت
لگتماليں اے لاچاراں مچاراِت
اے بے گوازيں زِرءِ چولاں منيگ اَنت
><><><><><><><><><><
سَتَرمن بَزَگ ءُ وارءُ نزوراں
وطن تٸ عشقءِ آسءَ من سُچوکاں
شھيدى رِتکگيں حوناں منيگ اَنت
><><><><><><><><><><
ھما ميرچاکرءِ ولءِ براں من
مَزاربيمانى آ پُشتءُ پداں من
ھما دورانى نوں دَنزءُ مجاں من
><><><><><><><><><><
بلوچاں من٬چوکوھى نرمزارءَ
مه ٹوھيں کرنى وابءَ جه منءَ را
منءَ بيڑءِ حساب گوننت ھزارءَ
اے گُرّگ گريشگى جاکاں منيگ اَنت
><><><><><><><><><><
رَبودگ ريٹا ءِ گپّاں مچار اِت
منى اے بے سريں گالاں مچاراِت
که دُرين فاضُلءِ شعراں منيگ اَنت
><><><><><><><><><><
اُستاد: محمد بيگ بيگل
No comments:
Post a Comment